एक भिखारीले इब्राहिम आदमसँग केही पैसा भीख माग्यो । इब्राहिमले भिखारीलाई भने, 'तिमी मसँग हिँड, म तिमीलाई खानपिनको राम्रो व्यवस्था गरिदिउँला ।'
इब्राहिमले उसलाई एउटा दोकानदारकहाँ लगे र दोकानदारलाई कुनै सानोतिनो काम दिन भने । त्यसपछि भिखारी स्वयम् रोजीरोटी गर्नसक्छ भन्ने उनको विश्वास थियो । दोकानदार इब्राहिमको खुब सम्मान गर्दथ्यो । त्यसैले उसले थप केही नसोधी भिखारीलाई रोजीरोटी दियो ।
