पशुपति, सुन्दरीजल वा गोदाबरीका जंगलमा खिचिएका नेपाली ब्लु भिडियोहरु काठमाडौंका लागि अब नौलो रहेन । प्रेम साट्ने नाममा सार्वजनिक स्थलमा मात्र होइन, पशुपति क्षेत्रजस्ता पवित्रस्थलमा हुने यौनकृयाकलापका भिडियोहरु विद्यार्थी र अन्य युवायुवतीका मोबाइल मोबाइलमा भेटाउन सकिन्छ । पवित्र स्थललाई झण्डै झण्डै ब्लुफिल्मका सुटिंगस्थल जस्तै बनाइएको अवस्थामा अब भने पशुपति क्षेत्रमा यौन कृयाकलाप त कुरै छाडौं, प्रेमसाटासाट गर्न नै प्रतिबन्ध लगाइएको छ । कसैले यस्तो कृयाकलाप गरेमा कारवाही नै हुनेछ । विशेष रिपोर्ट ।
भ्यालेन्टाइन डे नजिकिदै गर्दा प्रेम जोडिका लागि दुःखद समाचार आएको छ । यसै त काठमाडौमा प्रेम साटासाट गर्ने जोडिका लागि स्थान अभाव छ । घर नै घरले भरिएको
काठमाडौमा प्रेम जोडिका लागि उपयुक्त पार्क नहुँदा निकै सास्ती खेप्नु परेको छ ।प्रेम जोडिहरुले माया साट्नका लागि कि त जंगल नै जानु पर्छ कि त रेष्टुरेण्ट नै । खास गरी प्रेम जोडिका लागि निकै प्रशिद्ध मानिएको पशुपति क्षेत्रमा यसपालीको भ्यालेन्टाइन डेमा युवा युवतीले प्रवेश नपाउने भएका छन् ।
करिव ३० लाख जनसंख्या भएको काठमाडौमा करिव आधा भन्दा बढी त युवा युवतीले नै भरिएको छ । यस्तो अवस्थामा उनीहरुले आफ्नो प्रेम साट्न निकै सास्ती खेप्नु परेको छ ।
कहिले अभिभावकले देख्ने डर कतै प्रहरीले गिरफ्तार गर्ने डर । यस्तो डरका बीचबाट युवा युवतीले आफ्नो प्रेम साट्न बाध्य छन् ।
हुँदा हुँदा पशुपति क्षेत्र विकास कोसले भ्यालेन्टाइन डे कै दिनबाट प्रेम जोडिलाई प्रवेश नदिने घोषणा गरेको छ । कोषले सोमबारदेखि आफ्नो क्षेत्रमा प्रेमालाप र असुहाउँदो गतिविधि गरेर बस्ने जोडीलाई जरिवाना गर्ने बताएको छ ।
कोषले भ्यालेन्टाइन डे मा पशुपति क्षेत्रमा दर्शनार्थी भन्दा बढी प्रेम जोडि ओइरिने गरेको बताएको छ ।
कोषले धार्मिक वातावरण र पशुपतिको गरिमा विपरीत गतिविधि गर्ने जोडीलाई कारबाही गर्नु पर्ने प्रर्ताव पारित गरेको छ । पशुपति क्षेत्रमा दिनको समयमा युवा जोडी साँझ परेपछि पेसेवर यौनकर्मी दुर्वेसनी र सस्तो यौनको खोजीमा आउने ग्राहकको समेत भीड बढेपछि कारबाही बाहेकको विकल्प नरहेको कोषको ठहर छ ।
हुन त पछिल्लो समयमा पशुपति क्षेत्र भित्र खुलेआम प्रेम साट्ने र अश्लिल गतिविधि निकै बढेको छ । यस्तो गतिविधिले पशुपति क्षेत्रको गरिमा माथि नै धावा बोलेको कोषको ठहर छ ।
पशुपति क्षेत्रमा प्रवेश गर्ने जोडीलाई न्यूनतम दुई सयदेखि ५ सय रुपैयाँ जरिवाना गरिने र तत्कालै त्यहाँबाट धपाउने कोषले चेतावनी दिएको छ ।
कोषले पशुपतिको विश्व स्वरुप पन्द्रह शिवालय चार शिवालय किराँतेश्वर गुहेश्वरी पछाडिको जंगल र गौरीघाटमा जोडीमाथि निगरानी राख्न पशुपति क्षेत्रको निजी सुरक्षागार्ड र सशस्त्र प्रहरी बलका सुरक्षाकर्मी सम्मिलित चार÷चार जनाको दुई टोली गठन गरेर परिचालन गर्ने तयारी गरेको छ ।
सन्चार सेट युक्त यी दुई टोलीले चौबीसै घण्टा उक्त क्षेत्रमा खटिने कोषले जनाएको छ ।
कोषको यो निर्णयले प्रेम जोडीलाई तसा्रएको छ । अव पशुपति क्षेत्रमा प्रवेश गर्दा आफ्नी प्रमिकाको हात समाएर िहंड्न पनि जोखिम हुने भएको छ ।
No comments:
Post a Comment