भक्तपुर, ६ असार/ परीक्षा नियन्त्रण कार्यालय सानोठिमीले गत चैतमा लिएको प्रवेशिका अर्थात् एसएलसी परीक्षाको परीक्षाफल आज प्रकाशित गर्ने भएको छ ।परीक्षा नियन्त्रक सुर्यप्रसाद गौतमले परीक्षाफल प्रकाशित गर्न अन्तिम तयारीमा जुटेको बताउनुभयो । नतिजाको अन्तिम रुजु गर्ने कार्य हिजोबाटै सुरु भएको र आज बिहान पाँच बजेदेखि नै काम गरेको बताउँदै उहाँले आज मध्यान्ह १२ बजेसम्म
अन्तिम तयारी पूरा गर्ने लक्ष्यका साथ काम भइरहेको बताउनुभयो । कुनै प्राविधिक बाधा नआए आजै तीन बजे बोर्ड बैठक बसेर साँझसम्म नतिजा र्सार्वजनिक गरिने बताइएको छ ।आजै नतिजा र्सार्वजनिक गर्ने योजना अनुसार कार्यालयले सुरक्षाका लागि महानगरीय प्रहरी वृत्त थिमीसँग् सुरक्षाको माग गरेको छ । प्रहरीले दिउँसो तीन बजेदेखि सुरक्षा दिने जानकारी दिएको छ । यसवर्षो परीक्षामा मुलुकभरबाट चार लाख ९६ हजार २४३ जना परीक्षार्थी सहभागी भएका थिए । यसमा नियमिततर्फछात्र दुई लाख २९ हजार ७९१ र छात्रा दुई लाख ६ हजार ६२० जना छन् भने एक्जाम्टेडतर्फछात्र २५ हजार ८०५ र छात्रा ३४ हजार २७ जना छन् । परीक्षामा ८९ वटा खुला विद्यालयका आठ हजार १४० जना परीक्षार्थी सामेल छन् । खुला विद्यालयमा नियमिततर्फसात हजार ७९४ र एक्जाम्टेडतर्फ३४६ जना परीक्षार्थीमध्ये शिविरका लडाकू र विदेशी नागरिक पनि सहभागी छन् । कार्यालयका अनुसार जर्मनी, सोमालिया र दक्षिण कोरियाका तीनजना विदेशी विद्यार्थी परीक्षामा सहभागी छन् । उनीहरूका लागि अनिवार्य नेपालीको सट्टा इलेक्टिभ अङ्ग्रेजीको परीक्षा दिने व्यवस्था गरिएको थियो । परीक्षामा सबैभन्दा कम मनाङमा १२२ जना र बढी काठमाडौँमा ३२ हजार ८६० विद्यार्थी परीक्षामा सहभागी छन् । परीक्षाका लागि मुलुकभर कुल एक हजार ६७२ वटा परीक्षा केन्द्र निर्धारण गरिएको थियो । गत वर्षएसएलसी परीक्षामा तीन लाख ८५ हजार ११४ जना परीक्षार्थी सहभागी थिए ।
No comments:
Post a Comment