इलाम/ नेपाल टेलिकमले पि्रपेड मोबाइल सिमकार्डबाट इन्टरनेट सुविधा सञ्चालन गरेपछि त्यस्तो सेवा लिने बढेका छन् ।
टेलिकमले गत असोजमा निःशुल्क सेवा प्रदान गर्न थालेपछि हालसम्म २ हजार ५ सयले सेवा लिइसकेका छन् । एक सातायता मोबाइलमा इन्टरनेट सुविधा जडान गर्न आउनेको भीड बढेको बताइएको छ ।
अहिले कार्यालयमा दैनिक सयदेखि १ सय २० जनासम्म इन्टरनेट जडानका लागि आउने गरेको टेलिकम इलामले जनाएको छ । सुरुका दिनमा सिमकार्ड लिन कठिन भए पनि पछिल्ला दिनमा निम्नवर्गसम्मको पहुँचमा आउने गरी टेलिकमले सेवा दिन थालेको छ । टेलिकमको कात्तिक मसान्तसम्मको तथ्यांकअनुसार इलाम शाखाबाट २८ हजार ९ सय ८९ र फिक्कल शाखाबाट ४ हजार ५ सय ८० जिएसएम सिमकार्ड वितरण भएका छन्
No comments:
Post a Comment