के हो साइवर प्रेम ?

धेरै मानिसहरु साइवर डेटिङ अर्थात साइवर प्रेममा निकै आनन्दित महशुस गर्दछन् । जब एउटा प्रेमी एउटी प्रेमिकालाई च्याट रुममा भेट्दछ । तिनीहरु एक अर्कामा हराउन पुग्दछन् र हरेक कुराकानी र भेटघाटहरुमा उनीहरु यति नजिक हुन्छन् कि आफ्ना साइबर पे्रमी प्रमिकालाई ‘गुड नाइट’ नभनी सुत्न सक्दैनन् ।

किन साइवर प्रेम वास्तविक जीवनको रोमान्स भन्दा फरक छ त ? साइवर प्रेम अभिभावक तथा साथीहरु जस्ता प्रत्यक्ष भेटिएका व्यक्तिको प्रेम होइन तर यो अनुराग हो जुन विपरित लिंगीसँग जोडिएको हुन्छ । सायद एउटा र्सार्थक भिन्नता यो छ कि यसमा संचारको ठूलो भूमिका हुन्छ । जहाँ भावपूर्ण शब्दहरुका प्रभाव विशाल हुन्छ ।
वास्तविक जिवनका प्रेमी प्रेमिका जस्तै साइवर प्रेमी प्रेमिका पनि नियमित डेटिङ गर्दछन् । वास्तविक जिवनका डेटिङहरुमा हामी कपाल मिलाउँछौ । सुहाउने र राम्रो देखिने कपडाहरु लगाउँछौ र श्रंगार गर्दछौ । तर, अनलाइन डेटिङमा उनीहरु आफ्ना चेतना, कल्पनाशिलता तथा व्यत्तित्वलाई चम्काउने गर्दछन् ।
साइवर प्रेमका बारेमा अनेक तर्क वितर्क रहेका छन् । एक थरी तर्क छ- ‘शारीरिक आकर्षक, निकटता र उपस्थिति विना केवल वौद्धिक तहमा साचो प्रेम विकसित हुन सक्दैन ।’ अर्को थरी तर्क छ- ‘यदि कुनै महिला पुरुषहरु पहिल्यै विचार र भावनाको विनिमयबाट प्रेम गर्दछन् भने के त्यसमा शारीरिक उपस्थितिको कुनै भूमिका रहन्छ र ?
धेरै मानिसहरु भन्दछन् कि साइवर प्रेम, प्रेमको प्रकृति विपरित छ । किनकी साइवर प्रेमले मानिसको दृष्टि, चेतना, मुहारको भाव, तथा शारीरिक भाषाको भूमिकालाई बन्चित गर्दछ । तर अर्को पाटोबाट यसलाई हेर्ने हो भने इन्टरनेट सम्बन्ध भावनात्मक सम्बन्धमा उक्लन्छ जुन शारीरिक आकर्षक भन्दा उच्च हुन्छ ।
आखिर साइवर प्रेमका बारेमा जे जस्ता धारणा भएता पनि वास्तविक विश्वका ति मानिसहरु जोसँग पैसा र दुरिको समस्याले भेट्न संभव छैन, उनीहरुसँग भेट्न र प्रेम गर्ने अवसर प्रदान गरेको छ । त्यसैले साइवर प्रेमलाई इन्टरनेटको चमत्कार नै मान्नु पर्छ । तर इन्टरनेटमा जति सजिलै प्रेम प्राप्त हुन्छ । त्यति नै सजिलै त्यो टाढा पनि हुन सक्छ । तर यसको मतलब साइवर प्रेम र साइवर डेटिङ गर्न हुन्न भन्ने होइन । यदि प्रेम विउ हो भने इन्टरनेट केवल हावा हो, त्रि्रो मुटु पानी हो भने, जिवन भुमि हो । जहाँ साइवर प्रेम हुकन्छ ।