विवाह जीवनको सुन्दर पल हो

काठमाडौ, मंसिर २३ - नम्रता श्रेष्ठ नेपाली फिल्म इन्डस्ट्रीमा सबैको लागि एउटा चर्चित र हट नाम भएको छ । उनको बारेमा यो इन्डस्ट्रीमा कमै चर्चा नहुने गर्छ । म्युजिक भिडियो, विज्ञापन हुँदै ठूलो पर्दाको फिल्मसम्म पुगेकी नायिका नम्रता श्रेष्ठ भिडियो स्क्यान्डलका कारण बढी नै चर्चामा रहिन् । थोरै समयमै 

सफलता कमाएकी यी नायिकाले डेव्यु गरेको फिल्म सानो संसारले धेरै सफलता हासिल गरेको थियो । यही सफलताले गर्दा यी नायिका निकै व्यस्त पनि बन्दै गइरहेकी थिइन् । कम बोल्ने र आफ्नो काम इमानदारीका साथ गर्ने भएकाले सबै दर्शन र निर्माता/निर्देशकले उनलाई मन पराउँथे । नेपाली फिल्म इन्डस्ट्रीमा उदाइसकेकी यी नायिकाको केही समयअघि आएको एउटा विवादास्पद भिडियो स्क्यान्डलले यिनको छविमा नकारात्मक असर पार्‍यो । त्यही भिडियोका कारण यिनले फिल्म क्षेत्रबाट केही समय टाढा
रहनुपर्‍यो । जसले गर्दा उनको करियरमा ठूलो नोक्सान हुन गयो । यति हुँदाहुँदै पनि उनी अहिले यो क्षेत्रमा लगनशील भएर डटेर लागिरहेकी छन् । उनको यो संघर्षलाई सबैले सकारात्मक रुपमा लिएका छन् । अहिले उनी थुप्रै सिर्जनशील काममा सक्रिय रहेको देखिन्छ । उनी अहिले फिल्म क्षेत्रमा एउटा सकारात्मक सोचका साथ अगाडि आएकी छन् । यिनै नायिका नम्रता श्रेष्ठसँग गरिएको केही भलाकुसारी यहाँ प्रस्तुत छ-

तपाईं यो क्षेत्रमा कसरी आउनुभयो ?
एसएलसी दिएपछि अफरहरू आइरहेको थियो तर त्यतिबेला म होस्टेलमा बस्ने भएकोले गरिनँ, पछि प्लसटु सकेपछिको खाली समयमा म्युजिक भिडियो खेल्ने अफर, अनि विज्ञापन खेल्ने पनि अफर आयो त्यसपछि यही क्षेत्रमा नै रमाइलो लाग्न थाल्यो अनि यसैलाई निरन्तरता दिएँ ।
अहिले केमा व्यस्त हुनुहुन्छ ?
भर्खर मिस यु भन्ने फिल्म सकाएर बसेकी छु । म ब्याक टु ब्याक फिल्म गर्दिनँ । अहिले हाम्रो कलाकार दाइ कुमार कान्छाको उपचारका लागि फन्ड रेजिङ कन्सर्ट गर्दै छु १८ डिसेम्बरमा गार्डेन अफ डि्रममा त्यसमै व्यस्त छु । एउटा कलाकार भएको नाताले गोपाल भुटानी दाइका लागि केही गर्न सकिनँ तर कुमार कान्छा दाइलाई सहयोग गर्ने मन छ ।
भगवान्प्रति कत्तिको आस्था छ ?
भगवान्प्रति आस्था छ । म सधैंं भगवान्लाई सम्झने गर्छु । म सानो छँदा आमाले मलाई सधैं भन्नुहुथ्यो, भगवान् हाम्रो आत्मामा हुन्छ । हामीले सधैं सम्भिmनुपर्छ ।
भगवान्सँग केही माग्न पाउनुभयो भने के माग्नुहुन्छ ?
खासै केही छैन । यस्तो राम्रो र सपोर्टिभ परिवार पाएकी छु अरू के चाहियो र ? तर कहिलेकाहीं कति धेरै काम गर्न मन लागेको हुन्छ समय नै पुग्दैन त्यति बेलाचाहिं म दुइटा भएको भए नि हुन्थ्यो जस्तो लाग्छ । त्यसैले भगवान्सँग अर्को पनि एउटा मजस्तै नम्रता बनाइदिनु भन्ने जसले मैले गर्न नभ्याएको कामहरू गर्न सकोस् ।
तपाईको जीवनको एउटा कालो पाटो भिडियो स्क्यान्डलको बारेमा के भन्नुहुन्छ ?
म खास त्यसबारेमा केही भन्न चाहन्नँ, मैले अहिलेसम्म कुनै पनि अन्तर्वार्तामा त्यसबारेमा केही नबोल्दा त मिडियाले नम्रताले यो भन्यो त्यो भन्यो भनेर लेख्छन् । त्यसैले अहिलेसम्म यस विषयमा मैले कसैलाई केही भनेको छैन र अहिले पनि केही भन्न चाहन्नँ ।
त्यो घटनालाई तपाई आफ्नो जीवनमा कसरी सम्झनुहुन्छ ?
त्यो मेरो अतीत हो, बितिसकेको कुरालाई म सम्भिmन चाहन्नँ । जीवनमा अझ धेरै अगाडि जान बाँकी छ, अतीतलाई सम्झेर समय खेर फाल्नु छैन मलाई ।
भिडियो बाहिर ल्याउने व्यक्ति को हो चिन्नुभयो ?
त्यो मलाई थाहा छैन । त्यसबारेमा मलाई कसैलाई पनि केही भन्नु छैन ।
यहाँसम्म आइपुग्दा जीवन के हो जस्तो लाग्छ ?
मलाई जीवन समुद्रजस्तो लाग्छ । जसरी बाहिरबाट हेरेर मात्र समुद्रको गहिराइ अनुमान गर्न सकिन्न, पछि जति भित्र गयो उति गहिरो हुँदैं जान्छ, त्यसको अन्त्य भेट्नै गाह्रो हुन्छ । जीवन पनि त्यस्तै हो यसलाई जति बुझ्दै गयो उति नै रहस्यमय बन्दै जान्छ । जीवनका कुनै पनि कुराहरू आफैंले नभोगी के हो भनेर थाहा नै हुँदैंन ।
भविष्यको योजना के छ ?
यही फिल्म क्षेत्रमा नै बसेर केही गर्छु भन्ने छ । साथामा मेरो आफ्नो रेस्टुरेन्टको साइड बिजनेस छ, त्यसलाई पनि अपग्रेड गर्दै लैजान्छु ।
नेपालमै बस्नुहुन्छ कि विदेशतिर जाने योजना छ ?
अहिले त त्यस्तो केही योजना
छैन । तर भविष्यमा कोर्सको सिलसिलामा अथवा पढाइको सिलसिलामा केही समयका लागि जान सक्छु । किनभने मैले अभिनयको कोर्स अहिलेसम्म कहीं पनि लिएको छैन पछि त्यस्तै राम्रो रोलको अफर आयो र मलाई अभिनयको कोर्स लिनुपर्छ भन्ने फिल भयो भने म कोर्सका लागि बाहिर जान सक्छु । तर उतै बस्ने गरेर जान्नँ, म नेपालमा नै बसेर केही गर्न चाहन्छु ।
विवाहको बारेमा के भन्नुहुन्छ ?
त्यो अहिले मेरो दिमागमा नै छैन ।
विवाह गर्नुहुन्छ कि हुँदैन ?
विवाह त अवश्य गर्छु, किनभने विवाह भनेको जीवनको एउटा सुन्दर क्षण हो । तर अहिले त्यसबारेमा सोच्न चाहन्नँ ।
घरवाट विवाहको कत्तिको प्रेसर आउँछ ?
त्यस्तो कुनै पनि प्रेसर गर्नुभएको छैन । यो विषयमा मलाई आमा-बुबाको एकदम सपोर्ट छ । उहाँहरू आफैं मलाई विवाह भनेको जहिले गरे नि हुन्छ भन्नुहुन्छ ।
अन्तमा भन्न मन लागेको केही कुरा छ कि ?
मेरो जीवनको एकदम खराब समयमा पनि मलाई साथ दिने मेरो परिवार र साथीहरूलाई म जीवनभर सम्भिmनेछु । उहाँहरूको मप्रतिको त्यो माया देखेर म आफैं सोच्थें, मलाई यिनीहरूले किन यस्तो माया गरेको होला ? के म साँच्चै त्यति असल छु र ! उहाँहरूको त्यही
मायाले ममा सकारात्मक
सोचको विकास गराउँथ्यो । मलाई जीवनमा अघी बढ्ने आत्मविश्वास दिन्थ्यो । उहाँहरूले मलाई जुन माया दिनुभएको छ, त्यसको लागि म भविष्यमा उहाँहरूलाई मप्रति गर्व गर्ने बनाउनेछु ।
प्रस्तुति ः गीता थापा