- मोहन भट्टराई
मोरङको टंकी बाँसबारीस्थित न्यु गि्रन रेस्टुरेन्टकी सञ्चालिका आसु लामाले रेस्टुरेन्टमा कार्यरत एक महिला कामदारलाई चरम यातना दिएकी छिन् । उनले आफ्नै रेस्टुरेन्टमा कार्यरत अमृता लामालाई चोरीको आरोप लगाउँदै कोठामा थुनेर यातना दिएकी हुन् ।
कुटपिटबाट लामाको दाहिने हात भाँचिएको छ । सञ्चालिका लामाले आफ्नो डिजिटल क्यामेरा र भाइ रुद्रको मोबाइल चोरेको आरोप लगाएर शनिबार कुटपिट गरेको पीडित अमृताले बताइन् । अमृताका अनुसार लामाले ज्योतिषीलाई हेराउँदा अमृताले चोरको बताएपछि उनलाई यातना दिएका हुन् । 'ज्योतिषीले मैले चोरेको देखाएपछि ढोका थुनेर दिदीभाइले मुङ्ग्रोले हिर्काएर हातै भाँचिदिए,' अमृताले भाँचिएको हात देखाउँदै भनिन् । कुटपिटबाट उनको देब्रेहात भाँचिएको छ भने दाहिनेहात, घुँडा, ढाड र शरीरका विभिन्न भागमा गम्भीर चोट लागेको छ । अमृता पीडकलाई कारबाहीका लागि शरीरभरि चोट लिएर भौँतारिइरहेकी छिन् । आसु र उनका भाइले आफ्नो सात वर्षको छोरालाई अपहरण गर्ने धम्कीसमेत दिएको बताइन् । 'तेरो नानीलाई अपहरण गरी तँलाई मारिदिन्छौँ भनेका छन्,' उनले भनिन्, 'मलाई बचाइदिनु पर्यो ।'
लामाले ६ महिना काम गरेको तलबसमेत नदिएको अमृताले बताइन् । 'अहिलेसम्म (६ महिना) काम गरेको पैसा पनि दिएका छैनन्,' उनले भनिन्, 'महिनाको दुई हजार पाँच सय दिने भनेको थियो, अहिलेसम्ममा मलाई पटक-पटक गरी जम्मा चार हजार मात्र दिएका छन् ।'
रेस्टुरेन्ट सञ्चालिका लामालाई सोमबार राति अबेरसम्म सम्पर्क गर्न खोज्दा मोबाइल स्विचअफ थियो । उनका व्यावसायिक साझेदार बुद्धिमान राजवंशीले भने यस विषयमा केही बोल्न चाहेनन् । 'मलाई यसबारे केही थाहा छैन,' उनले भने, 'सबै कुरा आसुलाई नै सोध्नोस् ।' महिला पुनस्र्थापना केन्द्र विराटनगरले अमृतालाई न्याय दिलाउन कानुनी सहायता दिने जनाएको छ । 'हामी उनलाई कानुनी सहायता र औषधि उपचार गर्न नसक्ने अवस्था भए त्यसका लागि पहल गरिदिन सक्छौँ,' ओरेककी कार्यक्रम संयोजक मन्जिता उपाध्यायले भनिन् ।
म एडम्स KEVIN, Aiico बीमा plc को एक प्रतिनिधि, हामी भरोसा र एक ऋण बाहिर दिन मा व्यक्तिगत मतभेद आदर। हामी ऋण चासो दर को 2% प्रदान गर्नेछ। तपाईं यस व्यवसाय मा चासो हो भने अब आफ्नो ऋण कागजातहरू ठीक जारी हस्तांतरण ई-मेल (adams.credi@gmail.com) गरेर हामीलाई सम्पर्क। Plc.you पनि इमेल गरेर हामीलाई सम्पर्क गर्न सक्नुहुन्छ तपाईं aiico बीमा गर्न धेरै स्वागत छ भने व्यापार वा स्कूल स्थापित गर्न एक ऋण आवश्यकता हो (aiicco_insuranceplc@yahoo.com) हामी सन्तुलन स्थानान्तरण अनुरोध गर्न सक्छौं पहिलो हप्ता।
ReplyDeleteव्यक्तिगत व्यवसायका लागि ऋण चाहिन्छ? तपाईं आफ्नो इमेल संपर्क भने उपरोक्त तुरुन्तै आफ्नो ऋण स्थानान्तरण प्रक्रिया गर्न
ठीक।