महोत्तरी, १ माघ : श्रीमती माइती गइदिएको झोंकमा गएराति महोत्तरीमा एक युवकले विषादी सेवन गरी आत्महत्या गरेका छन् । सुगा भवानीपट्टि गाविस–३ बस्ने वर्ष १८ का राकेश मण्डलले गएराति आत्महत्या गरेको जिल्ला प्रहरी कार्यालय महोत्तरीले जनाएको छ । शुक्रवार दिनभरि रिक्सा चलाएर राति घर गएको युवक मण्डलले श्रीमती माइत गइसकेको थाहा पाएपछि राति नै ससुराल गएको तर सँगै श्रीमती नआएपछि विषादी सेवन गरी घर फर्केको बताइएको छ ।
विषादी सेवन गरी घर फर्केका युवक लडबडाई रहेको देखेपछि परिवारजनले उपचारका लागि जिल्ला अस्पताल जलेश्वरमा लगेको र राति करिब ९ बजे निजको उपचारकै क्रममा मृत्यु भएको हो । मण्डलले मुसा मार्ने औषधि खाएर आत्महत्या गरेको शव परीक्षणबाट देखिएको छ ।
मृतक मण्डलको ससुराली भारतको सीतामढी जिल्लाअन्तर्गत भिट्ठा पञ्चायत हो ।
No comments:
Post a Comment