सबैले वेवास्ता गरेपछि पूर्वबडामहारानीको बिजोग, रोएरै बित्छन् रत्नका दिन

बुढाबुढीलाई लक्ष्य गरेर खोलिएको आफ्नै एनजीओको कार्यक्रममा हिमानी शाहलाई भ्याईनभ्याई छ । उनका पति पारश शाहको त कुरै अर्को । शशुरा ज्ञानेन्द्र शाहपनि पत्नीका साथ मस्ती नै गरिरहेका छन् । कसैलाई वास्ता छैन पूर्वबडामहारानी रत्न शाहको । त्यसैले रत्नाका दिनहरु अचेल रोएरै बित्ने गरेका छन् । विश्वन्यूजको विशेष खोजबाट तयार पारिएको रिपोर्ट ।

कि हस्तिनापुरको राज्य कि चपरीमुनिको बास । यो उखान धेरै पुरानो भयो । तर फेरि सान्दर्भिक भएको छ पूर्व राजा ज्ञानेन्द्र शाहकी आमा रत्नका कारण । छोराले शासनसत्ता गुमाएपछि रत्नले बुढेशकालमा केही सुसारेका साथ

हरेक दिनजसो रुदैं  निरश जीवन काटिरहेको श्रोतले बताएको छ ।  दुईवर्ष अगाडिसम्म पशुपतिको पाटीमा बस्ने मनस्थितीमा रहेपनि ज्ञानेन्द्रको आग्रहपछि उहां पशुपतिको पाटीमा त जानुभएन तर महेन्द्र मन्जीलमा नै बसेपनि हरेक दिनजसो रुने गरेको निकट श्रोतले जानकारी दिएको छ ।

हो , रत्नले आफ्नै पति राजा महेन्द्रले कार्यकारी अधिकारसहित राजाको भुमिका खेलेको देख्नुभयो छोरा बीरेन्द्रले उदार भुमिका स्वीकारेर संवैधानिक राजा बनेको पनि देख्नुभयो । अनि अर्का छोरा ज्ञानेन्द्रले शासन हातमा ल्याएर शक्तिशाली राजा बनेको पनि देख्नुभयो । तर ति त सबै विगत भए । अहिले त सबै अधिकार रसम्पत्ति खोसिएको छ । शक्तिशाली राजतन्त्र हेर्दाहेर्दै धुलो भयो राजसत्ता खोसेर राजा ज्ञानेन्द्रलाई नारायणहिटीबाट नागार्जुन पठाइयो । राजाकी आमालाई भने नारायणहिटी भित्रको एउटा कोठीमा बस्न दिइएको छ त्यो पनि सहानभुति दर्शाएर । आफ्नै आखा अगाडि राजतन्त्रको आरोह अवरोध र विनाश देखेकी रत्नलाई ज्ञानेन्दले समेत त्यती वास्ता नगरेकाले उहां रुने गर्नुभएको श्रोतको भनाइ छ ।

राजतन्त्र अन्त भएपछि पूर्वराजा ज्ञानेन्द्र दरबारबाट बाहिरिनुभयो तर आमा रत्न बाहिरिन मान्नुभएन । आफ्ना िदंवगत पति महेन्द्रको नामबाट नामाङ्कित महेन्द्र मन्जीलमै बस्दै आउनुभएको छ उहां । केही वर्षअघिसम्म देशको शक्तिकेन्द्र र चहलपहलको प्रमुख थलो नारायणहिटी यतिबेला सुनसान छ । यसैले पनि रत्नलाई पिर पर्ने नै भयो । जेठा छोरा वीरेन्द्रको बंशनाश कान्छा धीरेन्द्र र बुहारीको मृत्यु अनि नयां राजाका रुपमा उदाएका ज्ञानेन्द्रको सत्ता अवसानले रत्न निकै चिन्तित हुनुहुन्छ । एकातिर राजतन्त्र गयो अर्कोतिर नाति पारस र हिमानीबीच किचलो छ  भन्ने समाचार आइरहेका छन् । त्यसो त ज्ञानेन्द्र र पारसबीच पनि मनमुटाव भएको खवर बारम्बार आइरहेको छ । यो तनावबीच रत्नका आंखाबाट आशुं झर्ने गरेको श्रोतले जानकारी दिएको हो ।

ज्ञानेन्द्रले दरबार छाडेपछि दरबार स्वभाविक रुपमै एकान्त भयो । ज्ञानेन्द्रको परिवार दरबारबाट हटनु अघि रत्नको सेवामात्र ५० जना कर्मचारी थिए । स्याहार सुसारे पनि उत्तिकै थिए । तर राजतन्त्र विघटन भएपछि रत्नको ख्याल गर्ने कोही पनि छैन । राजा हटेपछि दरबारमा भएका कर्मचारी पनि सरकारले हटाइदियो । अहिले ७ जना कर्मचारी छन तर उनीहरुको तलब राज्यले तिर्दैन । त्यसैले कामदारहरुले पनि पहिलेजत्तिकै तलब मागेर रत्नलाई पहिलेजस्तो स्याहारसुसार गरेका छैनन् । फेरि रत्नले पनि उनीहरुको तलब तोकिदिनुभएको छैन । रत्न बस्दै आएको महेन्द्र मन्जिल नारायण मन्दिरको छेउमै छ । नारायणमन्दिरमा शसस्त्र प्रहरीले क्याम्प खडा गरेको छ । अर्कोतर्फ रत्नसंग कुनै यातायातका साधन पनि छैन । यसैले पनि निराशा छाएको छ रत्नलाई । बुढेसकालमा एक्लो र अन्त्यन्त दर्दनाक जिन्दगी बांच्नुपरेपछि रत्न निकै चिन्तित हुनुहुन्छ ।  दरबारमा ३५ बर्षसम्म उपसचिवका रुपमा काम गरेका नारायणहिटी दरबार संग्रहालयका प्रमुख जयराम महर्जन पनि रत्नको अवस्था अत्यन्त पीडादायक रहेको बताउनुहुन्छ । बडामहारानी छंदा रत्नका अधिकांश दिन बालबालिकाको सेवामा बढ्यो । बाल कल्याण परिषदको उहां संरक्षक पनि हुनुहुन्थ्यो ।  तर बुढेसकालमा रत्नको सोधीखोजीसम्म गर्ने कोही छैन आफ्नै परिवारबाट उपेक्षित हुनुभएको छ  पूर्वबडामहारानी रत्न । त्यसैले अहिले उहांको जिन्दगी आंशुमा डूबेको छ ।