आलुमा डढुवा रोग र समाधानको उपाय

अहिलेसम्म सबैभन्दा बढी तरकारीको रुपमा उपयोग गर्दै आएको आलुमा डडुवा रोग प्रकोपका रुपमा देखिएकॊ छ । तराईका अधिकांस जिल्ला र पहाडी क्षेत्रका केही जिल्लामा समेत अहिले आलुमा डडुवाको प्रकोप देखिएको नेपाल कृषि अनुसन्धान परिषद् नार्कले जनाएको छ ।
बादल लाग्ने रातीको तापक्रम १० डिग्रीभन्दा कम हुने र दिउँसोको समयमा २० डिग्री भन्दा बढी नहुने अवस्थामा डडुवाको प्रकोप शुरु हुने नार्कका वरिष्ठ वैज्ञानिक रामबहादुर केसीले बताउनु भयो ।
आलुको हैजाका रुपमा चिनिने यो रोग लागेको ७२ घन्टापछि आलु सखाप हुने उहाँले बताउनु भयो । आलुमा डडुवा लागेको बेलामा िसंचाई बन्द गर्नुपर्छ ।हल्का लागेको छ भने ईन्डोफिलएम ४५ नामक विषादीलाई तीन ग्राम प्रतिलिटर
पानीमा मिसाएर स्प्रे गर्नु पर्छ । डडुवाको जिवाणु पातको तल्लो भागमा बस्ने भएकाले बोट पुरै भिज्ने गरेर स्प्रे गर्दा नियन्त्रणमा सजिलो हुने केसीले बताउनु भयो ।
आलुमा डडुवा बढी लागेको छ भने म्यानकोजेभ र मेटाल्याक्जिल विषादी डेढ ग्राम प्रतिलिटर पानीमा मिसाएर स्प्रे गर्दा डडुवा नियन्त्रण हुन्छ । आलु लगाएको ८० दिन भैसकेको अवस्थामा भने झ्याङ्ग उखेल्दा राम्रो हुने वरिष्ठ वैज्ञानिक केसीको भनाई छ ।