भेडेटारको विकासमा अमेरिकी टोली

धरान । धनकुटाको पर्यटकीयस्थल भेडेटारको विकासमा स्वदेशी तथा विदेशी दाताहरुले चासो देखाउन थालेका छन् । दाताहरुको सहयोगले भेडेटार नमूना गाउँ बन्ने तरखरमा अघि बढेको छ ।

पर्यटकहरुको आकर्षण केन्द्र बनाउँन भेडेटार-७ अन्तरगत पर्ने नाम्चे गाउँको थुम्की भन्ने डाँडामा अमेरिकन नागरिक राजिव गोयलको सकि्रयतामा स्पिरिट प्लेस आत्मा बस्ने ठाउँ नामको सुन्दर म्युजियम बन्ने भएको छ । गोयलको भनाईमा सो म्युजिममा कुनै सामानको संग्रह

नभै प्राकृतिक संरचनालाई नबिगारी स्थानीय गाउँलेहरुको घर संस्कृतिको झल्को दिने सानो गाउँ बनाइनेछ । जुन गाउँको डिजाईन गर्न अमेरिकाबाट प्रसिद्ध आर्किटेक्टर इन्जिनियर ट्राभाइस प्राइसको नेतृत्वमो ५ जनाको टोलि नाम्जे आइपुगेका छन् ।

राजिव गोयलको नेतृत्वमा आएको सो टोलिमा जडिबुटीविद् पेम्पा शेर्पा लगायत ५ जना विशेषज्ञहरुलाई नाम्जेबासीले भब्य स्वागत गरेका थिए । स्थानीय जनता ग्रामीण उच्च मावि र िसंहदेवी सामुदायिक संस्थाको संयुक्त आयोजनामा भएको स्वागत कार्यक्रममा स्थानीय गाउँले र विद्यार्थीहरुले झाग्री नृत्य मारुनी नृत्य संगिनी ढोल नाच र मगर जातीको प्रसिद्ध साँस्कृतिक हुर्रा नाच प्रस्तुत गरेका थिए ।

झण्डै १२ रोपनी जग्गामा शुरु गरिने सो योजना पूरा गर्न दुई महिनापछि ३० जना अमेरिकन स्वयंसेवकको टोलि नाम्जे आउने कुरा गोयलले जानकारी दिनुभयो । विश्वभरी १७ वटा यस्ता आत्मिय ठाउँ बनाएकोमा नाम्जे १८ औं ठाउँ पर्ने भएकोले यो योजना पूरा भएपछि भेडेटार अझ आकर्षणको केन्द्र बन्ने र स्थानीय गाउँलेहरको जीवनस्तर बढेर जाने कुरामा आफु ढुक्क भएको गोयल बताउँछन् ।

करिब ५ वर्ष अघि स्वयं सेवक शिक्षकको रुपमा नाम्जे पुगेका गोयलले पानीको समस्याबाट पीडित नाम्जेमा खानेपानीको व्यवस्था गर्न सहयोग पुर्याएका थिए । अहिले नाम्जेलाई ग्रीन भिलेज बनाउने योजनामा गोयल दम्पत्ति नै कम्मर कसेर लागेका छन् ।