एउटै नम्बरको दुईटा मोटरसाइकल

 धरान । एउटै नम्बर भएको दुई वटा मोटरसाइकल शनिबार धरानमा फेला परेको छ । धरानकै दुई व्यक्तिले प्रयोग गरिरहेको ती मोटरसाइकलमा एउटै नम्बर को 7 प ६४७७ छ ।

दुवै मोटरसाइकल यामाहा ग्लाडिएटर हो भने मोटरसाइकलको रंग पनि एउटै छ । ती मोटरसाइकलका धनी धरान ७ निवासी तीर्थ मास्के र धरान ५ का संगीत शाह हुन् । दुइटै मोटरसाइकल हाल धरानस्थित जिल्ला ट्राफिक प्रहरी कार्यालय सुनसरीको नियन्त्रणमा रहेको छ । ट्राफिक प्रहरीका अनुसार मास्केले मोटरसाइकलको ब्लु बुक बुझाएपनि त्यसमा शाहको मोटरसाइकलमा भएको चेसिज नम्बर

छ भने शाहले भने मोटरसाइकल फाइनान्सबाट लिएको हुनाले ब्लु बुक फाइनान्ससँ रहेको बताएको ट्राफिक प्रहरीले जानकारी दिएको छ ।

चोरीको मोटरसाइकलको विगविगी भइरहेपनि यो घटनामा भने चोरीको मोटरसाइकल नभई मोटरसाइकल शोरुम वा यातायात व्यवस्था विभागको गल्तीले एउटै नम्बर दुईटा मोटरसाइकलमा भएको अनुमान गरेको छ । शनिबार छाताचौकमा मोटरसाइकल पार्किंग गर्नेक्रममा तीर्थ मास्केले आफ्नै मोटरसाइकल नम्बर भएको अर्को मोटरसाइकल देखेपछि तत्काल ट्राफिक प्रहरीलाई खबर गरेका थिए । दुईटा मध्ये एउटाको मात्रै ब्लु बुक ल्याएको र शाहले फाइनान्सबाट ब्लु बुक ल्याउने बताएकोले त्यो आाएपछि मात्रै चोरीको वा के भएर यस्तो भएको पत्ता लाग्ने ट्रफिक प्रहरी कार्यालयले जनाएको छ ।
Posted by Rohit