१६ माघ,
काठमाडौ । काठमाडौको सुन्धारा स्थित रोयल गोरखा होटलको कोठामा बसेका दम्पति मध्ये श्रीमति मृत र श्रीमान बेहोस अबस्थामा फेला परेका छन् ।
कोठा नम्बर २०२ मा साबित्री जिसी शनिबार मृत अवस्थामा फेला परेकी हुन् । उनका श्रीमान् राजु पाठक भने अर्ध बेहोस अवस्थामा भेटिएका थिए । उनीहरुको घर भैरहवा भएको प्रहरीले जनाएको छ ।
प्रहरीले शनिबार कोठमा प्रवेश गर्दा श्रीमतिको मृत्यु भइसकेको र श्रीमान बेहास अबस्थामा भेटिएको बताएको छ । श्रीमति विद्युत प्रधिकरणको कर्मचारी हुन् भने श्रीमान ठेक्का पट्टाको काम गर्दै
आएका थिए । मृतकको शवलाई पोष्टमार्टमका लागि फारे_िन्सक मेडिसिन विभाग महारागन्जमा राखिएको छ भने श्रीमान्लाई वीर अस्पतालमा उपचारका लागि भर्ना गरिएको छ ।प्रहरीले कोठाबाट आल्युमिनियम फस्फाइट एक प्रकारको विषादि लेखिएको खाली बट्टा फेला पारेकाले दुवै जनाले विषादि सेवन गरेको हुन सक्ने अनुमान गरेको छ ।
प्रहरीले शनिवार कोठामा प्रवेश गर्दा श्रीमातिको मृत्यु भइसकेको र श्रीमान वान्ता गरिरहेको अवस्थामा फेला पारेको थियो ।
घटनामा श्रीमतिको मृत्यु हुनु र श्रीमानले त्यहि अवस्थामा विषदि सेवन गर्नुले घटना संकास्पद भएको प्रहरीको अनुमान छ । विषदि सेवन गरे पनि श्रीमान्ले प्रभाव पर्ने गरि खाएको नदेखिनु र भैरहवा बस्दै आएका दम्पति काठमाडौ आउनुको उद्देष्य प्रष्ट नहुनुले घटनालाई रहस्मय भएको प्रहरीले जनाएको छ ।
सुन्धाराकै होटल स्वस्तिकबाट शुक्रबार गुल्मीका काँग्रेस नेता फणिन्द्रराज भन्डारी मृत फेला परेका थिए । भन्डारी माघ १२ गते देखि हुमबहादुर बस्नेतसंग बस्दै आएका थिए ।
भन्डारीको टाउकोमा चोट लागि रगत बगेर मृत्यु भएको अबस्थामा प्रहरीले भेटाएको थियो । प्रहरीले सगै बस्दै आएका बस्नेतलाई नियन्त्रमा लिएर छानबिन सुरु गरेको छ ।
मृतक भण्डारीको शवलाई गुल्मीको तमघारमा श्रद्धान्जली सभा गरी गए राती रिडिमा अन्तिम संकार गरिएको छ ।
No comments:
Post a Comment