खोजी प्रतिभामा धरानकी रविना

धरान । 

धरान ७, शान्तिपथकी २० बर्षीया रविना श्रेष्ठ सानै उमेरदेखि नाच्न भनेपछि हुरुक्कै हुन्थिन् । नृत्यप्रतिको त्यही रुचि र लगावले उनी अहिले खोजी प्रतिभा नामको प्रतियोगितात्मक टेलिभिजन कार्यक्रमा टप ६ मा पुग्न सफल भएकी छिन् ।

प्रतियोगिताको उपाधि जित्न रविनालाई अब आफ्नो क्षमता भएर मात्र पुग्दैन, उनको नृत्य क्षमतासागै शुभचिन्तकहरुबाट एसएमएसको पनि आवश्यकता छ । यतिबेला उनी आफ्ना शुभचिन्तकहरुबाट एसएमएस आउने आशामा छिन् । ‘आइतबारसम्म जसको कम एसएमएस भोट आउछ, उ प्रतियोगिताबाट बाहिरिनुपर्छ, त्यसैले मलाई पनि धेरै भन्दा धेरै एसएमएसको खााचो छ’—हाल काठमाण्डौंमा रहेकी रविनाले भनिन् । गायन, अभिनय र नृत्य विद्यामा भईरहेको प्रतियोगितामा उनी नृत्यबाट सहभागी
भएकी हुन् । ‘मलाई एसएसएस गर्न मोवाइलबाट kpd स्पेश 10 टाइप गरेर 3264 मा पठाउनुपर्छ, मलाई एसएमएस भोट दिन सबैलाई आग्रह गर्दछु’—रविनाले भनिन् । प्रतियोगिताको फाइनल आगामी चैत १ गते हुदैछ ।

हाल धरानको सगरमाथा कलेजमा ११ मा पढ्दै गरेकी रविना सानै उमेरदेखि नृत्य गर्न रुचाउाथिन् । उनको त्यही रुचि उमेरसागै बढ्दै गयो र क्रमश: नृत्यमा पारंगत पनि हुदै गइन् । नृत्यसागै उनी मोडलिङमा पनि उतिकै लागिपरेकी रविनाले थुप्रै स्टेज कार्यक्रमहरुमा नृत्य क्षमता प्रस्तुत गरिसकेकी छिन् भने फेशन शोहरुमा र्याम्पमा पनि उत्रिएकी छिन् । खोजी प्रतिभामा सहभाग भएकै समयमा पनि निर्णायक रेनशा राईले उनलाई पोखरा, बुटवल, नारायणघाटलगयतका शहरमा स्टेज कार्यक्रममा नृत्य प्रस्तुत गर्ने अवसर जुटाइदिएकी थिइन् ।

भविष्यमा पनि नृत्य, मोडलिङसागै चलचित्रमा अभिनय गर्ने चाहना रहेको उनी बताउछिन् । ‘नृत्य, मोडलिङ क्षेत्रलाई निरन्तर अघि बढाउछु, फिल्मक्षेत्रमा जाने पनि चाहना छ’—उनले भनिन्—‘मेरो क्यारियरको लागि खोजी प्रतिभाको उपाधि महत्वपुर्ण हुन्छ, त्यसैले एसएमएस दिन सबैमा आग्रह गर्दछु