२७ माघ, दोलखा
छात्राहरु एक्कासी बिरामी परेपछि दोलखाको हावा गाविसस्थित अम्बिका निम्न माद्यमिक विद्यालय तीन दिनका लागि बन्द भएको छ । छात्राहरुमा हात बाँध्ने, र्याल र फिँज काड्ने, काम्ने र चिच्याउने जस्ता लक्षण देखिएपछि विद्यालय बन्द गरिएको प्रधानाध्यापक बेदबहादुर महतले जानकारी दिनुभयो ।
कक्षा ३ देखि ५ सम्म अध्ययन गर्ने १० देखि १५ बर्ष उमेर समूहका छात्राहरु बिरामी परेका हुन् ।
जिल्ला स्वास्थ्य कार्यालय दोलखाका प्रमुख ईन्द्रप्रसाद यादवले लक्षणअनुसार छात्राहरुमा ‘मास हिस्टेरिया’ हुनसक्ने आशंकामा रोग प्रभावित क्षेत्रमा औषधिसहित स्वास्थ्यकर्मीको टोलि पठाइएको जानकारी दिनुभयो ।
हावा उपस्वास्थ्य चौकीका लामो समयदेखि अहेवको दरवन्दि रिक्त रहेका कारण बिरामी छात्राहरुको उपचारमा समस्या भएको छ । मातृ शिशु कार्यकर्ता मिरा सुनुवारको भरमा उपस्वास्थ्य चौकी चल्दै आएको छ
No comments:
Post a Comment