पूर्व राजा ज्ञानेन्द्र शाहकी छोरी प्रेरणासँग एसएमएस मार्फत मार्ने धम्की दिएर एक करोड रुपैयाँ माग्ने राजेश हमाललाई अदालतले तीन वर्ष कैद र २५ हजार रुपैयाँ जरिवानाको सजाय सुनाएको छ ।
रुकुम घर भएका हमाललाई काठमाडौ जिल्ला अदालतले यस्तो सजाय सुनाएको हो । उनलाई अपहरण तथा शरीर बन्धक मुद्दामा कैद र जरिवाना सजाय सुनाएका हुन् । दुई वर्ष अघि कात्तिक २४ गते आफ्नी प्रेमिका प्रतिक्षारत्न शाहसँग
प्रेरणाको मोबाइल नम्बर लिएर हमालले एक करोड नदिए श्रीमान् राजबहादुर िसंह र छोरालाई मार्ने धम्की दिएका थिए ।
दाङ घर भएकी प्रतिक्षारत्न प्रेरणाकी पूर्व स्वकीय सचिव हुन् । हमालले ९८०८३१८०३१ नम्बरको मोवाइलबाट- प्रेरणा सरकार । नमस्कार तपाईले हाम्रो पार्टीलाई सहयोग गर्नु पर् यो । तपाईको सचिवलाई मेरो मोबाइल नम्बर दिएर एक करोडका साथ गोदावरी पठाउनु होला । नत्र तपाईका श्रीमान् राजबहादुर िसंह र छोराको मौत हुनसक्छ भन्ने एसएमएस पठाएका थिए ।
हमाललाई प्रहरीले मंसिर १ गते काठमाडौको गोपीकृष्ण हल नजिकबाट पक्राउ गरेको थियो ।
हमालले भने आफ्नो कुनै पार्टी नभएको बताएका छन् । उनले यासा्रगुम्बा व्यापारमा भएको घाटा र विवाह खर्च जुटाउन पैसा मागेको बयान दिएका छन् । प्रतीक्षालाई भने अदालतले सफाई दिएको छ ।
No comments:
Post a Comment