एमालेका पोलिटव्युरो सदस्य एवं निवर्तमान सामान्य प्रशासन मन्त्री रविन्द्र श्रेष्ठ वेपत्ता हुनुभएको छ । माधव नेपाल नेतृत्वको सरकारमा मन्त्री रहेका श्रेष्ठ गत माघ २३ गतेदखि सम्पर्कमा नआएपछि उहांको परिवारले आज एमाले पार्टी कार्यालयमा जानकारी गराई खोजी दिन माग गरेको छ । श्रेष्ठका परिवारले एमाले सचिव युवराज ज्ञवालीलाई भेटी उहांको खोजी गरिदिन आग्रह गरेको स्रोतको भनाइ छ ।
ज्ञवालीले घटनाबारे गृहमन्त्रालय र प्रधानमन्त्री कार्यालयलाई जानकारी गराइसक्नुभएको बुझिएको छ । पार्टी स्रोतका अनुसार, श्रेष्ठ केही दिन अघि पुल्चोकस्थित मन्त्री क्वाटरबाट कसैलाई थाहा नदिइ बाहिरिनुभएको थियो । श्रेष्ठले काठमाडौं मोर्डन कलेजमा अध्ययनरत सुभेच्छा श्रेष्ठलाई भगाएर हिडेको जानकारी प्राप्त भएको छ । धादिङकी सुभेच्छासंग पछिल्लो
समय उहांको हिमचिम बढेको थियो । माओवादीले युद्धकालमा पार्टी हित विपरित कार्य गरेको भन्दै कारवाही गरेपछि निष्क्रिय भएका श्रेष्ठ संविधानसभा निर्वाचन अगाडी एमालेमा प्रवेश गर्नुभएको थियो । एमाले प्रवेशपछि श्रेष्ठ नेता माधवकुमार नेपालको विश्वासपात्र हुनुभएको थियो । नेपालले संविधानसभा निर्वाचनको प्रचारमा समेत सक्रिय बनाउनुभएको थियो । साधा जीवन जिउने भन्दै मन्त्री भएका बेला सरकारी सुविधाको गाडी नचढी श्रेष्ठले मोटरसाइकल चढ्नुभएको थियो ।
No comments:
Post a Comment