ससुराली पुरुषको दोस्रो घर मानिन्छ । ज्वाँई ससुरालीकालागि सधैको सम्मानित पाहुना हो । उसलाई सासु ससुरा लगायतका ससुरालीले लागे पुगे र सके सम्मको सम्मान दिन्छन् । यो हिन्दु संस्कार हो । तर एक ज्वाँईले त्यहि घरमा आगजनी गरी सासुलाई खुकुरी प्रहार गरेका छन् ।
उदयपुरको पहाडी गाविस बलम्तामा
एक ज्वाँईले ससुराली घरमा शनिबार आगजनी गर्दै सासुलाई खुकुरी प्रहार गरी गम्भीर घाइते बनाएका छन् ।ससुराली गाउँ नजिकैको अर्काे गाउँ ताम्लिछा ५ का मन्दीप राईले बलम्ता ४ माझगाउँका बखतराम राईकी श्रीमती जयनसरी राईलाई खुकुरी प्रहार गरी गम्भीर घाइते बनाएका हुन् ।
शुक्रबारको मध्येरातमा ससुराली पुगेका ज्वाँई मन्दीपले एक्कासी सासुमाथि जथाभावी खुकुरी प्रहार गरेका थिए । खुकुरी प्रहारबाट ५२ वषर्ीय सासु जयसरीको टाउकोमा १८ वटा टाँका लगाइएको छ भने हातमा पनि चोट लागेको छ ।
सासुमाथि खुकुरी प्रहार गरेपछि सन्दीपले घरमा आगजनी गरिदिएका थिए । सासुलाई प्रहार गरेपछि आफ्नै श्रीमति माथि खनिएका थिए तर श्रीमति भने भाग्न सफल भएकी थिइन् । श्रीमतिलाई कुट्न नपाएको झोकमा सन्दीपले घरमा रहेका भाँडाहरु तोडफोड समेत गरेका थिए ।
घरमा आगजनी गर्दै वितण्डा मच्चाउने क्रममा भने ससुरा घरमा थिएनन् । उनी एक दिन अघि नै सुनकोसी छेउको गोदेली घाटमा गएका थिए ।
सन्दीपले एक महिना अघि कान्छी साली १६ वषर्ीया विनालाई हम्बरले हानेर फरार भएका थिए । सधै आफ्नी दिदि संग झगडा गर्ने कारण बारे सोध्दा सन्दीपले विनालाई हम्बरले प्रहार गरेका थिए ।
आक्रमणमा परकी विनाको उपचारमा साढे दुई लाख खर्च भएको र सो रकम तिराउन खोज्दा सन्दीप भागेका थिए । सालीमाथि आक्रमण गरेपछि उनको ससुरालीसंगको विवाद उत्कर्षमा पुगेको थियो ।
सन्दीप नेपाली सेनाका अवकासप्राप्त जवान हुन् । ४५ वषर्ीय सन्दीपले बखतरामकी जेठी छोरी सैमीलाई तेस्रो श्रीमतिको रुपमा विहे गरेका थिए ।
सन्दीप अहिले फरार छन्, उनको खोजी भइरहेको प्रहरीले जनाएको छ । गाउँलेहरुले पनि उनको खोजी भइरहेको जनाएका छन् । झलनाथलाई पार्टी छोड्न माओवादी सुझाव
१४ फागुन, काठमाडौ । नेकपा एमालेका अध्यक्ष एवम् प्रधानमन्त्री झलनाथ खनालले सात बुँदे सहमति कार्यान्वय गर्न नसकेको भन्दै एकीकृत नेकपा माओवादीका पोलिट्व्युरो सदस्य हेमन्त प्रकाश ओलीले पार्टी छोड्न सुझाव दिएका छन् ।
उनले भने- झलनाथ खनाल ज्यु, अध्यक्षका हैसियतले गरेको निर्णय लागु गर्न नसक्ने हो भने पार्टी त्यागेर स्वतन्त्र नेता बन्नुस ।
सात बुँदे सहमति कार्यान्वयन नभए सम्म सरकारमा सामेल नहुने भन्दै ओलीले एमालेले सम्झौता तोडेकोले सहकार्यमाथि नै प्रश्न चिन्ह खडा भएको बताए ।
१२ बुँदे सहमति देखि नै परिवर्तनको गतिलाई रोक्न चाहने शक्तिहरु अहिले सम्म पनि सक्रिय रहेको भन्दै ओलीले अहिले जनसेनालाई समायोजन हुन नदिने षड्यन्त्र भएको बताए ।
No comments:
Post a Comment