इराकमा भएको बम विष्फोटमा पाँच जनाको मृत्यु

एजेन्सी । 

इराकको राजधानी बग्दाद र दियालामा भएको छुटाछुटै बम विस्फोटमा परी पाँच जनाको मृत्यु भएको छ भने १० जना घाइते भएका छन् ।
बग्दादको उत्तर पूर्वमा रहेको दियालाको अल सादिया शहरमा इराकी सेनाको पोसाकमा आएका बन्दुकधारीहरुले एक घरमा गोली प्रहार गर्दा एकै घरका चार जनाको मृत्यु भएका हो । दियालाबाट सुरक्षाकर्मीले शंकास्पद दुईजनालाई पक्राउ
गरेको छ ।
त्यसै बाकुबामा सडकछेउमा राखिएको बम विस्फोट हुदाँ एक सर्वसाधारणको मृत्यु भएको छ भने दुई जना घाइते भएका छन् । त्यस्तै बग्दादमा भएको अर्काे बम विस्फोटमा परी आठ जना घाइते भएका छन् ।