एमाले सभासद् नारदमुनी रानाको पुरानो पासपोर्टको म्याद गत १७ सेप्टेम्बरमा सकिएपछि उनले नयाँ पासपोर्ट लिएका थिए । नयाँ पासपोर्ट बोकेका व्यक्ति अहिले अस्टे्रलियामा छन् । रानाले आफ्नो नयाँ पासपोर्ट नलिएको दाबी गरे पनि हस्ताक्षर मिलेको छ ।
शिवपुजन राय यादव नाममा २०४४५ नम्बरको पासपोर्ट बोकेर गत ११ डिसेम्बरमा अस्टे्रलिया पुगेका व्यक्ति अहिलेसम्म उतै रहेको अस्ट्रेलियाली दूतावासले जनाएको छ । तर, सभासद् यादव त्यसयता पनि पटक-पटक संसद् गएका थिए, अहिले भने फरार छन् ।
जया ट्राभल्सबाट प्राप्त सभासद्द्वयको पासपोर्टको फोटोकपीमा अन्य व्यक्तिकै फोटो टाँसिएको प्रस्ट चिनिन्छ । अनुसन्धानमा संलग्न प्रहरी अधिकारीले पासपोर्टमा फेरिएको तस्बिर नै पासपोर्ट दुरुपयोगको प्रमाण भएको बताउँछन् । त्यसैगरी, अस्ट्रेलियन दूतावासले सिआइबीलाई पठाएको चिठी पनि राहदानी दुरुपयोगको अर्काे प्रमाण हो । अस्ट्रेलियन दूतावासले ११ डिसेम्बर २०१० मा सभासद् यादवको २०४४५ नम्बरको पासपोर्ट लिएका व्यक्ति अस्ट्रेलिया उडेको र हालसम्म उनी उतै रहेको बताएको छ । जबकि ११ डिसेम्बरपछि यादव पटक-पटक संसद् तथा संविधानसभाको बैठकमा सहभागी भएको भेटिएको छ ।
'यसले सभासद् यादवको पासपोर्टमा उडेका व्यक्ति हालसम्म अस्ट्रेलियामा नै रहेको प्रस्ट हुन्छ,' सिआइबी स्रोतले बतायो । प्रहरीले सभासद् यादवमाथि अनुसन्धान सुरु गरेदेखि नै उनी फरार छन् । उनी सर्लाही-५ बाट निर्वाचित सभासद् हुन् ।
शिवपुजन राय यादव नाममा २०४४५ नम्बरको पासपोर्ट बोकेर गत ११ डिसेम्बरमा अस्टे्रलिया पुगेका व्यक्ति अहिलेसम्म उतै रहेको अस्ट्रेलियाली दूतावासले जनाएको छ । तर, सभासद् यादव त्यसयता पनि पटक-पटक संसद् गएका थिए, अहिले भने फरार छन् ।
नयाँ पत्रिका
काठमाडौं, ९ असार
थप दुई सभासद्ले रातो पासपोर्ट (कूटनीतिक राहदानी) बेचेको प्रहरीले पुष्टि गरेको छ । प्रधानमन्त्री झलनाथ खनालको दल एमालेका सभासद् नारदमुनी राना र उपप्रधानमन्त्री उपेन्द्र यादवको दल फोरमका शिवपुजन राय यादवले पैसाका लागि पासपोर्ट बेचेका हुन् ।
राना र यादवको पासपोर्ट लिएर उडेका दुई व्यक्ति हाल अस्ट्रेलियामा रहेको नेपाल प्रहरी र काठमाडौंस्थित अस्ट्रेलियन दूतावासले पुष्टि गरेका छन् । प्रहरीको केन्द्रीय अनुसन्धान ब्युरो र अख्तियार दुरुपयोग अनुसन्धान आयोगले यो विषयमा थप अनुसन्धान गरिरहेको छ ।
सभासद्को पासपोर्ट किनेका दुईजना ११ डिसेम्बर २०१० मा अस्ट्रेलिया पुगेका थिए । इतिहाद एयरको इएक्स २९१ नम्बरको उडानमा उनीहरू अस्ट्रेलिया उडेको प्रहरी अनुसन्धानमा खुलेको छ ।
दरबारमार्गस्थित जया ट्राभल एन्ड टुर्सबाट उनीहरूले टिकट काटेका थिए । यादवको पासपोर्टमा उड्नेको टिकट नम्बर ई-टिकेटी ६०७-२७४९६९४०५६ हो भने रानाको पासपोर्टमा उड्नेको ई-टिकेटी ६०७-२७४९६९४०५७ हो । उनीहरूको टिकट एकैचोटि बुक गरिएकाले सिरियल नम्बरसमेत सँगै छ ।
जया ट्राभल्सबाट प्राप्त सभासद्द्वयको पासपोर्टको फोटोकपीमा अन्य व्यक्तिकै फोटो टाँसिएको प्रस्ट चिनिन्छ । अनुसन्धानमा संलग्न प्रहरी अधिकारीले पासपोर्टमा फेरिएको तस्बिर नै पासपोर्ट दुरुपयोगको प्रमाण भएको बताउँछन् । त्यसैगरी, अस्ट्रेलियन दूतावासले सिआइबीलाई पठाएको चिठी पनि राहदानी दुरुपयोगको अर्काे प्रमाण हो । अस्ट्रेलियन दूतावासले ११ डिसेम्बर २०१० मा सभासद् यादवको २०४४५ नम्बरको पासपोर्ट लिएका व्यक्ति अस्ट्रेलिया उडेको र हालसम्म उनी उतै रहेको बताएको छ । जबकि ११ डिसेम्बरपछि यादव पटक-पटक संसद् तथा संविधानसभाको बैठकमा सहभागी भएको भेटिएको छ ।
'यसले सभासद् यादवको पासपोर्टमा उडेका व्यक्ति हालसम्म अस्ट्रेलियामा नै रहेको प्रस्ट हुन्छ,' सिआइबी स्रोतले बतायो । प्रहरीले सभासद् यादवमाथि अनुसन्धान सुरु गरेदेखि नै उनी फरार छन् । उनी सर्लाही-५ बाट निर्वाचित सभासद् हुन् ।
एमाले सभासद् रानाको पासपोर्ट पनि दुरुपयोग भएको प्रहरीले पुष्टि गरी उनलाई पक्राउ गर्ने तयारी गरिरहेको छ । सभासद् यादवको ०२२४४ नम्बरको रातो पासपोर्ट लिएर उडेका व्यक्ति पनि हाल अस्ट्रेलियामा छन् । सभासद् रानाले भने आफ्नो रातो पासपोर्ट आफूसँगै रहेको दाबी गर्दै आफ्नो नक्कली हस्ताक्षरमा अरू कसैले परराष्ट्र मन्त्रालयबाट नयाँ पासपोर्ट लिएर दुरुपयोग गरेको बताएका छन् ।
सभासद् रानाको पुरानो रातो पासपोर्टको म्याद १७ सेप्टेम्बर २०१० मा सकिएको थियो । त्यसपछि, उनले परराष्ट्र मन्त्रालयबाट नयाँ पासपोर्ट लिएका थिए । जुन पासपोर्ट आफूले लिँदै नलिएको उनले दाबी गर्दै आएका छन् ।
प्रहरीले उनको पुरानो पासपोर्ट लिएर हस्ताक्षरको 'फरेन्सिक' परीक्षण गरिरहेको छ । परीक्षणमा सभासद् रानाको पुरानो र नयाँ हस्ताक्षर लगभग मिलेको प्रहरी स्रोतले बतायो । राना एमालेको समानुपातिकतर्फबाट कैलालीका सभासद् हुन् ।
यसअघि, प्रहरीले फोरमका बिपी यादव र नेपाल जनता दलकी सभासद् गायत्री साहले पासपोर्ट दुरुपयोग गरेको पुष्टि भएपछि पक्राउ गरी मुद्दा चलाएको छ । प्रहरी र अख्तियार दुरुपयोग अनुसन्धान आयोगले चलाएका छुट्टाछुट्टै मुद्दामा सभासद्द्वय धरौटीमा रिहा भएका छन् । सिआइबीका प्रहरी नायव उपरीक्षक प्रवीण पोखरेलले रातो पासपोर्ट दुरुपयोगको अन्सन्धान गर्दै आएका छन् ।
प्रहरी स्रोतका अनुसार सभासद्द्वय यादव र साहको पासपोर्टमा विदेश उडाउने गिरोहले नै सभासद् शिवपुजन र नारदमनीको पासपोर्स भाडामा लिएर फोटो परिवर्तन गरी अन्य व्यक्तिलाई अस्ट्रेलिया उडाएको हो । पहिलेजस्तै 'थर्ड कन्भेन्सन अफ डायल्सिडेनिजम' नामक कार्यक्रममा भाग लिन भनेर सभासद्को नाममा अस्ट्रेलियन दूतावासमा भिसाका लागि आवेदन गरिएको थियो । जबकि उक्त निमन्त्रणासमेत नक्कली भएको प्रहरी अनुसन्धानमा पाइएको छ । रातो पासपोर्ट खरिद-बिक्री गर्ने गिरोहले नै अस्ट्रेलियाबाट नक्कली निमन्त्रणा मगाएको थियो ।
उता, यसअघि पक्राउ परेका सभासद्जस्तै राना र यादवको पासपोर्ट दुरुपयोगमा पनि एयरपोर्ट अध्यागमनका कर्मचारीको प्रस्ट मिलेमतो देखिएको छ । एयरपोर्ट अध्यागमनका तत्कालीन प्रमुख खडानन्द ढकालसहितका कर्मचारीलाई पहिलेको पासपोर्टकाण्डमा दोषी रहेको दाबी गर्दै अख्तियारले मुद्दा दायर गरेको छ । उनीहरूलाई नयाँ पासपोर्टकाण्डमा पनि मुद्दा चलाइने प्रहरीले जनाएको छ ।
पहिलेजस्तै सभासद्द्वय यादव र रानाको पासपोर्ट दुरुपयोग गिरोहका नाइके भने सर्लाहीका सन्तोष उप्रेती नै भएको पनि खुलेको छ । उक्त गिरोहका पाँच व्यक्ति पक्राउ परे पनि उप्रेती फरार छन् । अस्ट्रेलियाको भिसामा फोटो नटाँसिने भएकाले सभासद्को पासपोर्टमा उनीहरूले अस्ट्रेलिया पठाउँदै आएका हुन् । अस्ट्रेलिया र क्यानडाको भिसामा बाहेक अन्य देशको भिसामा नै फोटो हुन्छ । जसकारण ती पासपोर्ट दुरुपयोग गर्न सकिँदैन ।
सभासद् बिपी यादवको पासपोर्टमा उड्ने पुथ्वी छन्त्यालसहित प्रमुख अभियुक्त उप्रेतीका साला डिएन धिताल, भिक्टोरिया कन्सल्टेन्सीका सञ्चालक गोपाल बानियाँ, लमजुङका दिलबहाद्र घर्ती र म्याग्दीका मनोज कार्की छन् । सभासद् साहको पासपोर्टमा उड्ने सीता छन्त्याल भने अझै फरार छिन् ।
सिआइबीका प्रमुख डिआइजी राजेन्द्रसिंह भण्डारीले थप सभासद्ले कूटनीतिक राहदानी दुरुपयोग गरेको प्रमाण भेटिएको बताउँदै घटनामा संलग्न व्यक्तिहरूलाई पक्राउ गरेपछि सभासद्लाई पक्राउ गरिने बताए ।
No comments:
Post a Comment