प्रेमीप्रेमिकाले एक आपसमा माया साट्नको दिनमा ४-५ पटक फोन गर्नु सामान्य हो । तर लभ छुटेपछि भने फोनको त कुरै छाडौँ भेटहुँदा पनि नबोली हिड्ने चलन हुन्छ कसैको । कहिलेकाहीँ दुखेसो पोख्न वा औपचारिकता पूरा गर्न पूर्व प्रेमी प्रेमिकालाई कल गर्नुलाई अनौठो मान्नु हुँदैन । रकतिपयले आफुलाई धोका
दिएको भन्दै आफ्नो प्रेमी प्रेमिकालाई फोन गरेर दुख दिने वा धम्की दिने समेत गर्ने गरेका घटना सार्वजनिक हुने गर्छन् । तर नेदरल्याण्डकी एक महिलाले भने अनौठो व्यवहार देखाएकी छिन् । आफ्नो पूर्व प्रेमीको यादमा पागल बनेकी ती महिलाले पूर्व प्रेमीलाई एक वर्षमै ६५ हजार पटक फोन गरेकी छिन् । कल्कलाउँदो बैशकी युवतीले यतिधेरै फोन गरेको भए पनि सामान्य मान्न सकिन्थ्यो । तर ४२ वर्षकी ती महिलाले आफ्नो पूर्व प्रेमी भन्दै एक ६२ वर्षको पुरुषलाई यतिधेरै फोन गर्ने गरेकी हुन् । समाचार अनुसार ती महिलाले घण्टामा औषत ७ पटक र दिनमा १ सय ७८ पटक फोन गर्थिन् ।
यसरी एउटी महिलाले फोन गरेर हैरान पारेपछि ती पुरुषले प्रहरीमा उजुरी गरे । प्रहरीले पीडितको उजुरी बमोजिम ती महिलालाई गिरफ्तार गर्यो र उनको घरबाट मोबाइल फोन र कम्प्युटर समेत बरामद गर्यो । प्रहरीले ती महिलालाई अब पूर्व प्रेमी भनिएका पुरुषलाई फोन नगर्न पनि आदेश दियो । तर उनले प्रहरी आदेशको उल्लंघन गर्दै केही घण्टापछि नै फोन गर्न सुरु गरिहालिन् ।
प्रहरीसमक्ष ती महिलाले आफुहरुबीच यसअघि प्रेम सम्बन्ध रहेको दाबी गर्दै आफुले पूर्व प्रेमीलाई गरेको फोन धेरै नभएको दाबी गरेकी छिन् । पुरुषले भने ती महिला सँग आफ्नो कहिल्यैपनि सारिरिक र भावनात्मक सम्बन्ध नरहेको र आफुले उनलाई नचिन्ने बताए । प्रहरीले नसकेपछि त्यो मुद्धा अदालतसम्म पुगेको छ । बिचरा ती पुरुषले अब कस्तो न्याय पाउलान् ?
No comments:
Post a Comment