दुई छोरासहित आमा झुण्डिएको अवस्थामा

इटहरी,९ असोज/ सुनसरी भोक्राहाका एकै परिवारका दुई बालकसहित तीन जनाको आज बिहान झुण्डिएको अवस्थामा शव फेला परेको छ। घटना रहस्यमय भएकाले प्रहरीले छानबिन थालेको छ। भोक्राहा-१ का सदानन्द मेहताको दुई छोरा र श्रीमतीको शव आफ्नै घरमा झुण्डिएको अवस्थामा फेला परेको जिल्ला प्रहरी कार्यालय सुनसरीले जनाएको छ। प्रहरीका अनुसार सदानन्दका अढाई वर्षीय

छोरा सूर्यनारायण, पाँच वर्षीय सन्जीव र २५ वर्षीया श्रीमती सीतादेवी मेहताको शव फेला परेको हो। डिएसपी यमुना रजकले कसैले हत्या गरेको वा आफै झुण्डिएको खुल्न नसकेकाले अनुसन्धान भइरहेको छ।