होटलमा बन्धक बनाएर एक वर्षदेखि यौनशोषण

धरान, १ चैत
इटहरीको विराटनगर लाइनस्थित प|mेन्डसिप रेस्टुरेन्ट एन्ड बारमा युवतीहरू बन्धक बनाई यौनधन्दा सञ्चालन गर्दै आएको खुलासा भएको छ । एक वर्षदेखि सो होटलमा काम गर्दै आएकी एक १६ वषर्ीया युवती भागेर सुरक्षा माग्दै महिला अधिकारकर्मीकोमा पुगेपछि घटना सार्वजनिक भएको हो ।
सो रेस्टुरेन्टले तीन युवतीलाई राखेर यौनधन्दा गराउँदै आएको पीडित युवतीले अधिकारकर्मीलाई बताएकी छिन् । उर्लाबारी घर भएकी होटल सञ्चालिका मधु थेबेले युवतीलाई होटलबाहिर जान नदिई घरायसी कामदेखि होटलमा आउने ग्राहकसँग यौनसम्पर्क गर्न बाध्य बनाउने गरेको पीडितले बताइन् ।

ग्राहकसँग सुत्न बाध्य बनाउने र ग्राहकले बिल कम बनाए हप्की-दप्की गर्दै आफैँ तिर्न लगाउने गरेको पीडित युवतीको भनाइ छ । ग्राहकले दिने पैसा होटल साहुनीलाई बुझाउनुपर्ने र उनीहरूले भनेअनुसार काम नगरे कुटपिट गर्ने गरेको पनि उनको भनाइ छ ।
धनकुटा हिले घर भएकी ती युवतीलाई काइँला भन्ने व्यक्तिले होटलमा काममा लगाइदिन्छु भन्दै ०६८ माघमा सो होटलमा पुर्‍याएका थिए । होटलमा पुर्‍याएकै दिन यौन क्रियाकलापमा संलग्न हुन दबाब दिइएको र अस्वीकार गर्दा पनि बाध्य पारिएको उनको भनाइ छ । काइँला भन्ने व्यक्तिले अझै पनि केटीहरू लिएर होटलमा आउने गरेको उनले बताइन् । होटलबाट पटकपटक भाग्न खोज्दा सुरक्षागार्डले निगरानी गरेकाले उम्कन नपाएको उनले सुनाइन् । 'नरकबाट उम्कन तीन/चारपटक प्रयास गरेँ, तर सधैँ गार्डले पक्रियो,' ती युवतीले भनिन् ।
उनका अनुसार होटलमा दर्जनौँ 'गुन्डा' पालेर राखिएको छ । तिनीहरू आउँदा प|mी सर्भिस गर्नुपर्ने र उनीहरूसँग नसुते होटल साहुनीले तथानाम गाली गर्ने गरेको पनि पीडित युवतीले बताइन् ।
'प्रहरीका सिआइडी तिवारी भन्ने मान्छे हप्तामा एकपटक होटलमा आउँथे । प्रहरीको समूह आएर रक्सी खाई मलाई कतिपटक नांगै बनाए, भिडियो खिचे, यस्तो गर्दिनँ भन्दा होटल साहुनीले पनि दबाब दिने गर्थिन्,' ती युवतीले भनिन् ।
त्यस्तै, होटल साहुनीका भाइ डिसन लिम्बूले पनि यौनशोषण गर्ने गरेको उनले बताइन् । 'तिमीलाई बुहारी बनाउँछु भन्दै साहुनीले पनि बाध्य बनाउँथिन्,' ती युवतीले भनिन्, 'रातमा तीन/चारजनासँग सुत्नुपथ्र्यो । नसुते कुटाइ खानुपथ्र्याे ।' आफूले यसअघि पनि होटलबाट भाग्ने प्रयास गरेको र यसपटक भागे पनि होटलवालाका 'गुन्डा' धेरै भएकाले असुरक्षित भएको उनले बताएकी छिन् ।
धरानस्थित महिला सञ्जाल नगर कमिटीले पीडित युवतीको जीवनरक्षा र न्याय दिलाउन कोसी अञ्चल प्रहरी कार्यालयका एसएसपी यादवराज खनाललाई आग्रह गरेको छ । मानवअधिकार संरक्षण मञ्चकी केन्द्रीय सदस्य सावित्री श्रेष्ठले पनि जबर्जस्ती युवतीलाई यौनधन्दा गर्न बाध्य बनाउने अपराधीलाई सजाय दिनुपर्ने माग गरिन् ।
पीडित युवतीको तर्फबाट जिप्रका इनरुवामा उजुरीसमेत दिइएको छ । पीडितको बयान बुधबार सुनेपछि एसएसपी खनालले तत्काल होटल सञ्चालकलाई पक्राउ गरी जीउ मास्ने बेच्ने ऐनअन्तर्गत कारबाही गर्ने बताएका छन् ।

रेस्टुरेन्ट सञ्चालक पक्राउ

प|mेन्डसिप रेस्टुरेन्ट एन्ड बारका सञ्चालक दम्पतीलाई प्रहरीले बुधबार साँझ पक्राउ गरेको छ । जिल्ला प्रहरी कार्यालयको टोलीले होटल सञ्चालक हरि थेवे (लिम्बू) र धनु थेवेलाई पक्राउ गरी कारबाही अगाडि बढाइएको  जिल्ला प्रहरी कार्यालयका डिएसपी लक्ष्मण गिरीले जनाए ।
उनीहरूविरुद्ध मानव बेचबिखनसम्बन्धी मुद्दा दायर भएको छ । म्याद थपका लागि बिहीबार नै जिल्ला अदालतमा पठाइएको गिरीले जानकारी दिए । पीडित युवतीले बुधबार उजुरी दिएपछि उनीहरूलाई कोसी अञ्चल प्रहरी कार्यालयको निर्देशनमा पक्राउ गरिएको हो ।