छिमेकीले संसारकै महंगो घर बनाए

संसारका चौथो तथा भारतका सबैभन्दा धनी व्यक्तिका रुपमा रहेका मुुकेश अम्बानीले आफ्नो नयाँ घरको निर्माण भर्खरै सकेका छन् । भारतीय शहर मुम्बइमा बनेको एन्टिलिया नाम गरेको उक्त भवनको डिजाइन भने सिकागोस्थित पर्किन्स एण्ड विल नाम गरेको कम्पनिले तयार गरेको हो । अन्तराष्ट्रिय एजेन्सीहरुका अनुसार यो घर आजसम्म बनेको संसारको सबैभन्दा महँगो निजी घर हो ।२७ तलाको यो घरमा जिम, स्वीमिङपुल, छ तलासम्मको पार्किङ, अनगिन्तिी बेडरुमहरु उक्त रहेका छन् भने हेलिकप्टर समेत ल्याण्ड गर्नको लागि छानामा तीन वटा हेलिप्याडहरु समेत बनाइएका छन्
। सिनेमाघर, इनारसमेत घरको विशेषताका रुपमा रहेका छन् । साथमा १६० वटा कार अट्नेगरी अन्डरग्राउण्ड पार्किङ समेत बनाइएको छ । एक विलियन डलर अर्थात् नेपालीमा ७५ अरब रुपैया हुन्छ ।
संरचनाको कुल उचाइ १७३ मिटर रहेको छ ।

उनको घरको कुल क्षेत्रफल ३७ हजार स्क्वार मिटर रहेको छ । अब उनलाई उनको नयाँ घरको हेरचाह गर्न छ सय जना मानिस चाहिन्छन् ।

अम्बानि भर्खरै आफ्नो नयाँ घरमा श्रीमती र तीन जना सन्तानहरुसहित बस्न थालिसकेका छन् । भवनको निर्माण कार्य भने आउँदो जनवरीसम्ममा सकिनेछ ।
हालै मात्र फोब्र्स नामक पत्रिकाले अम्बानी संसारकै धनी व्यक्ति हुने भविष्यवाणि समेत गरेको थियो । सन् १९५७ मा जन्मिएका अम्बानी स्टील र पेट्रोलियम रिफाइनरीका उद्योगहरुका मालिक हुन् । उनको सम्पत्ती बीस खर्ब रुपैया भन्दा बढी गणना गरिएको छ ।