काठमाडौं, २ फागुन
आउँदो ०६८ सालमा पनि सरकारी कर्मचारीले अत्यधिक बिदा उपभोग गर्न पाउने भएका छन् । सरकारले एक वर्षमा शनिबार ५२ र चाडपर्व तथा अन्य बिदा ४८ दिन गरी सय दिन बिदा दिने भएको छ ।
एक वर्षका तीन सय ६५ दिनमध्ये सय दिन सरकारी कार्यालय बन्द रहने भएका हुन् । सरकारी बिदाका अलावा कर्मचारीले एक वर्षको अवधिमा ३० दिन घरबिदा, १२ दिन बिरामी बिदा र १२ दिन चाडपर्व तथा भैपरी बिदा पाउने गर्छन् । यीसमेत
जोड्दा हरेक सरकारी कर्मचारीले वर्षमा एक सय ५४ दिन बिदा पाउने भएका छन् । यी बिदाको व्यवस्था निजामती सेवा ऐन र नियमावलीमा नै गरिएको छ । सरकारी बिदासम्बन्धी निर्णय भने गृह मन्त्रालयले गर्दै आएको छ ।
चालू वर्ष ०६७ मा भन्दा ०६८ सालमा कर्मचारीलाई दिइएको बिदाको दिन वृद्धि गरिएको छ । गृह मन्त्रालयले ०६८ साल १ वैशाखदेखि ०६८ साल चैत मसान्तसम्म विभिन्न चाडपर्व र शनिबार गरी सय दिन बिदा दिने निर्णय गरिएको जनाएको छ ।
गृह मन्त्रालयका अनुसार ०६८ सालमा दसैं बिदा आठ दिन,
तिहार बिदा तीन दिन, अन्य चाडपर्व बिदा १५ दिन, जन्मजयन्ती बिदा तीन दिन, दिवस बिदा आठ दिन दिइएको छ । त्यसैगरी स्थानीय बिदा तीन दिन, महिला बिदा तीन दिन, शिक्षण संस्था बिदा १ दिन र काठमाडौं उपत्यकाका लागि छुट्टै चार दिन बिदा दिइएको छ ।मन्त्रालयले ०६८ सालमा दसैंका लागि आठ दिन बिदा दिएको छ । ११ असोजमा घटस्थापनाको दिन बिदा दिइएको छ । त्यसैगरी १६ असोजदेखि २१ असोजसम्म (फूलपातीदेखि द्वादशीसम्म) बिदा दिइएको छ भने २४ असोजमा कोजाग्रत पूणिर्माका दिन पनि बिदा दिइएको छ । ०६७ सालमा कोजाग्रत पूणिर्माका दिन बिदा दिइएको थिएन । यसपटक भने सो दिन पनि बिदा दिइएको छ ।
त्यसैगरी ९ कात्तिकदेखि ११ कात्तिकसम्म तिहार तथा म्हपूजाको बिदा दिइएको छ । त्यसैगरी नववर्ष, गौरा पर्व, किरात, राई, लिम्बूको उँभौली पर्व, जनैपूणिर्मा, इद पर्व, छठपर्व, बकर इद, उँधौली पूजा, ज्यापु दिवसमा सार्वजनिक बिदा दिइएको छ । यसैगरी इसाई धर्मावलम्बीको पर्व क्रिसमस डे,
No comments:
Post a Comment