कोशी राजमार्गमा दोहोरो बन्द

धनकुटा(ब्लाष्ट) मानवअधिकार सञ्जालले आइतबार विज्ञप्ति जारी गरी सङ्घीय लिम्बुवान राज्य परिषद्, धनकुटाले आह्वान गरेको अनिश्चितकालीन धनकुटा बन्दको निन्दा गरेको छ ।
सञ्जालमा आबद्ध जिल्लाका १६ वटा सामाजिक संस्थाले संयुक्त विज्ञप्तिमार्पmत् शनिबारदेखि जारी बन्दले जनताको दैनिक जीवन कष्टकर बन्दै गएकोले तत्काल दुवै पक्ष वार्तामा बसेर समस्याको समाधान निकाल्न माग गरेका छन् । शनिबार माइक्रो बसमा सवार यात्रु र उनीहरूका

सामान निकाल्न नदिइ गरिएको आगजनीको विज्ञप्तिमा भत्र्सना गरिएको छ । हुसाडेक, पत्रकार महासङ्घ, आदिवासी जनजाति पत्रकार सङ्घ, गैरसरकारी संस्था महासङ्घ, पुनरावेदन बार एशोसिएसन, रिलेक, प्राध्यापक सङ्घ, इन्सेक, मानवअधिकार एलायन्सलगायत् १६ वटा संस्थाका प्रमुखले विज्ञप्तिमा हस्ताक्षर गरेका छन् ।
परिषद्ले आह्वान गरेको बन्दको क्रममा सवारी साधन चलाएको भन्दै शनिबार धनकुटा–४ देब्रेबासको स्कुलडाँडामा परिषद् कार्यकर्ताले माइक्रो बस जलाएका थिए । माइक्रो बसका यात्रुसमेत ओर्लन नपाउँदै आगजनी गर्दा यात्रुले मुस्किलले ज्यान जोगाएका थिए ।
घटनापछि दुई दिनदेखि धनकुटा सदरमुकाम तथा हिले बजारमा यातायात व्यवसायीले क्षतिपूर्ति र घटनाका दोषीलाई कारवाहीको माग राख्दै प्रदर्शन गर्दै आएका छन् । तत्काल कारवाही र क्षतिपूर्ति नभए सशक्त आन्दोलनमा ओर्लने मजदुर सङ्गठनका अध्यक्ष गणेश थापाले जानकारी दिए ।
यस क्रममा परिषद्का ६ कार्यकर्तालाई प्रहरीले पक्राउ गरेको छ । प्रशासनले घटनामा संलग्नको खोजी भइरहेको र वार्ताबाट समस्याको समाधान गर्ने जनाएको छ ।
यसैबीच यातायात व्यवसायीले पनि घटनाको छानविन तथा क्षतिपूर्तिको माग गर्दै कोशी पहाडी जिल्लामा अनिश्चितकालीन बन्दको घोषणा गरेका छन् । परिषद् र व्यवसायीको दोहोरो बन्दले यहाँको जनजीवन थप कष्टकर बन्दै गएको छ । नेपाल यातायात स्वतन्त्र मजदुर संगठनले घटनाको विरोधमा आइतबार दिनभर हिले बजारमा प्रदर्शन गर्नुका साथै विरोधसभा आयोजना गरेको छ । संगठनले धनकुटा, भोजपुर, सङ्खुवासभा र तेह्रथुम बन्दको घोषणा गरेको छ । मजदुर सङ्गठनको अगुवाईमा गरिएको बन्दप्रति ट्याक्सी व्यवसायी संघलगायत्ले पनि समर्थन जनाएका छन् ।
निर्वाचन आयोगले सञ्चालन गरेको फोटोसहितको मतदाता नामावली सङ्कलन कार्य बन्द गर्नुपर्ने माग राख्दै परिक्ष्ँद्ले समेत अनिश्चितकालीन बन्द जारी राखेको छ । परिषद्का सुनसरी सचिव भीम इधिङ्गाले आइतबार विज्ञप्ति जारी गर्दै परिषद्का कार्यकर्तालाई पक्राउ गरिएकोमा आपत्ति जनाएका छन् । उनीहरूले पक्राउ कार्यकर्तालाई निःशर्त छाड्नसमेत माग गरेका छन् ।
यसैगरी परिषद्ले आह्वान गरेको कोशी राजमार्ग बन्दको कारण आइतबार धरानबाट धनकुटा जाने सवारी साधन चलेनन् । धरान हुँदै पहाडी जिल्लाहरू धनकुटा, सङ्खुवासभा, तेह्रथुम, भोजपुर र खोटाङ जाने दर्जनौं संख्यामा रहेका सर्वसाधारण धरानको भानुचौकमा अलपत्र परेका थिए । शनिबारदेखि धनकुटा बन्द र आइतबारदेखि अनिश्चितकालीन कोशी राजमार्ग बन्दले धरान भएर पूर्वी पहाडी जिल्ला जाने दर्जनौं सर्वसाधारण अलपत्र परेका छन् ।